"Real" yarim himoyachisi Luka Modrich jamoasining Ispaniya kubogi finaliga chiqqani haqida fikr bildirdi.

Eslatib o'tamiz, yarim finalda "Qirollik klubi" umumiy hisobda "Barselona"ni 4:1 hisobida mag'lub etgandi.

“Men juda xursandman va jamoam bilan faxrlanaman. Biz to'g'ri nishonlashimiz kerak. Oxirgi marta deyarli 10 yil oldin Ispaniya kubogini yutgan edik, endi buni yana takrorlash imkoniga egamiz" - dedi Modrich o'yindan keyingi intervyusida.

Ispaniya kubogi finalida "Real Madrid" o'z tarixida bu sovrinni qo'lga kiritmagan "Osasuna" bilan to'qnash keladi. Turnirning hal qiluvchi bahsi may oyida bo'lib o'tadi.