"Barselona" hujumchisi Ansu Fati o'zining jismoniy holati ustida ishlamoqda.

Futbolchining "ko'k-anorranglilar" tarkibida kamdan-kam maydonga tushishi uning yozgi transfer oynasida sotilishi haqidagi ko'plab mish-mishlarga sabab bo'ldi. Otasining ochiqchasiga noroziligiga qaramay, Fati “Barselona”da qolishni rejalashtirayotganini bir necha bor tan oldi.

Mundo Deportivo nashri xabariga ko'ra, o'tgan mavsum oxiridan buyon 20 yoshli hujumchi jismoniy holatini yaxshilash va avvalgi o'yin saviyasiga qaytish uchun maxsus dastur asosida ishlamoqda. Futbolchi Kataloniya grandi asosiy tarkibiga kirishga ahd qilgan.

Ansu Fati so'nggi mavsumda "Barselona" safida 51 o'yinda o'nta gol urdi va 4 golga assistentlik qildi.