Jordi Alba Evropada qolishi mumkin.

Oldinroq "Barselona"ning sobiq himoyachisi "Inter Mayami"ga o'tishga yaqin ekani xabar qilingandi. AS nashriga ko'ra, tomonlar muzokaralar olib bormoqda, biroq kelishuv hali rasmiylashtirilmagan.

34 yoshli ispaniyalik futbolchining faoliyatini Evropada davom ettirish imkoniyatlari bor: unga “Inter” va “Benfika” qiziqish bildirmoqda. Bundan tashqari, Albaning transferiga Saudiya Arabistonining ikki klubi qiziqish bildirmoqda.

Futbolchi MLSdan kelgan taklifni qabul qiladimi yoki boshqa klubga o'tadimi, hozircha bilmaydi.

La Liganing 2022/23 yilgi mavsumida Alba 24 ta o'yinda maydonga tushib, 2 ta gol va 3 ta golli uzatmaga mualliflik qilgan.