Kataloniyaning «Barselona» klubi himoyachisi Serxi Roberto Chempionlar ligasi guruh bosqichining 6-turida «Antverpen»ga qarshi o'yindan so'ng OAVga gapirdi. «Ko'k-anorranglilar» belgiyaliklarga 2:3 hisobida imkoniyatni boy berishdi.

«Bu mag'lubiyat pley-off bosqichiga chiqqanimizga qaramay, bizni juda g'azablantirdi. Biz bunday mag'lubiyatlarga yo'l qo'ymasligimiz kerak. Birinchi daqiqalarda gol o'tkazib yuborishga yo'l qo'yib bo'lmaydi. Bu darhol jamoaga ta'sir qiladi. Biz natijadan norozimiz.

Barselona - katta oila. Qiyin damlarda imkon qadar birlashishimiz kerak», - deb yozdi futbolchi.

«Barselona» 12 ochko jamg'arib, guruhda birinchi o'rinni egalladi.