"Barselona" markaziy himoyachisi Andreas Kristensen tez orada Angliya Premer-ligasiga qaytishi mumkin.

Mundo Deportivo xabariga ko'ra, 27 yoshli daniyalikning xizmatlariga "Nyukasl" qiziqish bildirmoqda. Qayd etilishicha, "magpiylar" Kristensenning transferi uchun ko'p pul sarflashni xohlamaydilar, ammo "Barselona" Andreasni arzon narxda qo'yib yubormoqchi emasligi aniq.

Transfermarkt Kristensenni tovon puli sifatida 40 million evroga baholamoqda. Andreas "Barselona"ga 2022 yilning yozida erkin agent sifatida qo'shilgan edi.