"Barselona" himoyachisi Inigo Martines keyingi o'yinda jamoaga yordam bera oladi.

Eslatib o'tamiz, 32 yoshli futbolchi mushaklari shikastlangani sababli dekabr oyi boshidan beri maydonga tushmayapti.

Jurnalist Gabriel Sansning xabariga ko'ra, Martines "Barselona"ning "Alaves" bilan bo'lajak o'yinida ishtirok etishga tayyor bo'ladi.

Joriy mavsumda Martines barcha turnirlarni hisobga olgan holda 11 ta o'yinda qatnashgan.

Ispaniya chempionatining 23-turidan o'rin olgan “Alaves” – “Barselona” o'yini 3-fevral, yakshanba kuni bo'lib o'tadi.