"Barselona" prezidenti Joan Laporta jamoa bosh murabbiyi sifatida Xavi Ernandesning o'rnini kim egallashi mumkinligi haqidagi savolga javob berdi.

“Buni Deku hal qiladi. Agar biz ijodiy echim topmasak, buni baribir u hal qiladi. Bo'lajak nomzod katta tajribaga ega bo'lishi kerak.

Rafa Markes? Biz buni istisno qila olmaymiz. Xans-Diter Flik? Bu haqda Dekudan so'rashingiz kerak", - deya Laportaning so'zlarini keltiradi RAC1.

Eslatib o'tamiz, avvalroq Xavi kuchli bosim va qoniqarsiz natijalar tufayli joriy mavsum oxirida jamoani tark etishini ma'lum qilgandi.

22-turdan keyin “Barselona” 47 ochko bilan La Liga turnir jadvalida to'rtinchi o'rinni egallab turibdi.