Kataloniyaning "Barselona" klubi sport direktori Deku jamoani tark etgan yarim himoyachi Serxio Busketsning o'rniga futbolchi topish qanchalik qiyin bo'lganini tushuntirdi.

"Busketsning ketishi "Barselona"ga katta ta'sir qildi va uning o'rnini hech kim bosa olmadi. Uslubi bo'yicha Serxioga o'xshab ketadigan yagona futbolchi bu "Manchester Siti"dan Rodri, ammo uni hech kim sotmoqchi emas. Kimmix "Bavariya"da va uni qo'lga kiritish qiyin edi. Qarang, "Chelsi" Kaysedo uchun qancha to'lagan. Bizga oson bo'lmadi. Moliyaviy feyr-pley holatini inobatga olgan holda, biz Gyundoganga tayandik, u jamoaga tajriba va sifat qo'shdi”, dedi Deku.