Londonning "Chelsi" klubi o'z tarkibini kuchaytirish uchun jiddiy mablag' sarflashni davom ettirmoqchi.

Ispaniyaning Sport nashri xabariga ko'ra, "ko'klar" "Barselona"ning eng yaxshi yarim himoyachisi Frenki de Yog uchun 100 million evro taklif qilishga tayyor. Shu bilan birga, Relevo nashri 26 yoshli de Yongning o'zi "Barselona"dan yozgi transferga rozi bo'lgani haqida ma'lumotga ega.

Klub ham moliyaviy ahvolning noqulayligi va uni yaxshilash istagini inobatga olib, bunday qadamni qo'llab-quvvatlamoqda.

2023/2024 yilgi mavsumda Frenki de Yong "Barselona" safida 22 ta o'yin o'tkazdi. Ularda niderlandiyalik futbolchi bitta gol urdi.