"Barselona" yarim himoyachisi Frenki de Yong yaqinda klubdan yangi shartnoma bo'yicha taklif oldi. Jurnalist Ferran Korreasning xabariga ko'ra, rahbariyat futbolchiga o'ylash uchun bir hafta muhlat bergan.

"Barselona" yangi shartnoma bo'yicha De Yongning maoshini qisqartirmoqchi. Amaldagi kelishuv Frenkiga yiliga 37,5 million evro ishlab olish imkonini beradi va jamoaning eng ko'p maosh oluvchi futbolchisi hisoblanadi.

Rahbariyat moliyaviy inqiroz sharoitida pulni tejashni xohlaydi. Ma'lum qilinishicha, agar de Yong "Barselona" shartlari bo'yicha shartnoma imzolashdan bosh tortsa, klub 26 yoshli niderlandiyalikni sotuvga qo'yadi.