“Barselona” chap qanot himoyachisi Markos Alonso yozda La Liganing boshqa top-klubi futbolchisiga aylanishi mumkin. Marca xabariga ko'ra, futbolchining "Atletiko Madrid"ga o'tish imkoniyati bor.

Alonsoning "Barselona" bilan shartnomasi yozda tugaydi. Rahbariyatning tajribali ispaniyalik bilan shartnomani uzaytirmaslik qarorini inobatga olsak, futbolchi katta ehtimol bilan mavsum yakunida erkin agentga aylanadi.

Faoliyati davomida La Liga, Premer-liga va Chempionlar ligasida g'olib chiqqan Markosga "Atletiko Madrid" qiziqish bildirmoqda. Ispaniya chempionatining joriy mavsumida Alonso bor-yo'g'i 4ta o'yinda maydonga tushdi.