"Barselona" yarim himoyachisi Ilkay Gyundogan jamoadoshi Robert Levandovskini "Napoli" hujumchisi Viktor Osimxen bilan solishtirdi.

Hujumchilar Chempionlar ligasi 1/8 finalining ilk o'yinida (1:1) o'z jamoalarining gollariga mualliflik qilishdi.

Levandovski 60-daqiqada, Osimxen 75-daqiqada gol urishdi.

"Gap gol urishni biladigan ikkita ajoyib hujumchi haqida ketmoqda. Robert bizning taktik tarkibimizga mos tushadi va gol urish imkoniyatlarini qanday his qilishni biladi.

Osimxen himoyachilardan qochib qutulishda ajoyib ish qiladi. Ikkalasi ham yaxshi o'yinchilar", - dedi Gyundogan o'yindan keyin bergan intervyusida.