Kataloniyaning “Barselona” klubi hujumchisi Ferran Torres hozirda tiklanish jarayonining so'nggi bosqichida turibdi.

Eslatib o'tamiz, ispaniyalik futbolchi jarohati sabab "ko'k-anorranglilar"ning so'nggi bir necha uchrashuvini o'tkazib yuborgandi. Jurnalist Rojer Torelloning aytishicha, hujumchi tez orada safga qaytishi kerak.

Torres Ispaniya chempionati doirasida juma kuni bo'lib o'tadigan "Malorka"ga qarshi jamoasining navbatdagi o'yinida ishtirok eta oladimi yoki yo'qmi hozircha ma'lum emas.

Ferran La Liganing joriy mavsumida 7 ta gol urib, 2 ta golli uzatmani amalga oshirib, chempionatda gol urish bo'yicha individual rekord o'rnatdi.