Kataloniyaning "Barselona" klubi bosh murabbiyi Xavi Ernandes yanvar oyida "Atletiko Paranaense"dan jamoaga kelib qo'shilgan hujumchi Vitor Rokening ahvoli haqida gapirdi.

“Roke Levandovski va boshqa hujumchilar bilan raqobatlashadi. U bizga allaqachon yordam bergan va kelajakda ham yordam beradi. Agar Vitor bunga loyiq bo'lsa, u albatta keyingi o'yinlarda o'yin daqiqalarini oladi", - dedi Xavi Ispaniya chempionatida "Malorka" bilan o'yin oldidan o'tkazilgan matbuot anjumanida.

"Barselona"ning "Atletik Bilbao"ga qarshi so'nggi o'yinida Roke zaxirada qolib ketgandi.