"Barselona" yulduzi Lamin Yamal keyingi mavsumda yangi "Kamp Nou"da 10-raqamli futbolkani kiyish u uchun g'urur bo'lishini aytdi.

Mundo Deportivo nashriga bergan intervyusida yosh hujumchi "Barselona"dagi ambitsiyalarini ro'yobga chiqarish haqida gapirib, uning mehnati e'tirof etilayotgani uni juda xursand qilishini ta'kidladi.

"Bu raqam hozirda Ansu Fatiga tegishli, lekin agar u bu erda o'ynamasa, men bu raqamni qabul qilib olishga tayyorman va bu g'urur manbayi bo'lar edi.

"Barsa"ning 10-raqamini har qanday yosh yigit orzu qiladi. Lekin bu klub rahbarlari hal qilishi kerak bo'lgan narsa", - dedi Yamal.