Kataloniyaning "Barselona" klubi ijara asosida o'ynayotgan o'ng qanot himoyachisi Joau Kanseluni o'z safida saqlab qolmoqchi.

Relevo xabariga ko'ra, "ko'k-anorranglilar" portugaliyalik uchun 30 million evro to'lashga tayyor, ammo "shaharliklar" 40-50 million talab qiladi.

Eslatib o'tamiz, Kanseluning o'zi ham “Barselona”da qolishni istaydi, ammo “Manchester Siti” rahbariyati hech qanday chegirma qilmoqchi emas.

Avvalroq, «shaharliklar» futbolchidan maksimal pul olish uchun portugaliyalikni Angliya premer-ligasi klubiga sotishni afzal ko'rayotgani xabar qilingandi.

Kanseluga Londonning “Arsenal” klubi va Saudiya Arabistonidagi jamoalar qiziqish bildirmoqda.