"Barselona"ning o'ng qanot himoyachisi Joau Kanselu ijara asosida Kataloniya klubiga o'tish uchun maoshining bir qismini qurbon qilgan. Mundo Deportivo xabariga ko'ra, portugaliyalik futbolchi maoshini ikki million evroga kamaytirishga rozi bo'lgan.

Joau haqiqatan ham "blaugrana"ga doimiy ravishda qo'shilishni xohlaydi, ammo kataloniyaliklar "Manchester Siti" bilan hali kelishuvga erisha olishmayapti. Joriy Ispaniya chempionatida Kanselu ikkita gol urdi va uchta golli uzatmani amalga oshirdi.