«PSJ» yarim himoyachisi Li Kan In faoliyatini Ispaniyada davom ettirishi mumkin.

Jurnalist Karlos Monfortning bergan ma'lumotlariga ko'ra, koreyalik futbolchini sotib olishga «Barselona» qiziqish bildirmoqda. Kataloniya klubi sport direktoru Deku allaqachon futbolchining agenti bilan muzokaralar o'tkazdi. Avvalroq parijliklar ushbu yozda xavbekni sotib yuborish niyatida ekanligi haqida bir necha bor xabar berilgan edi.

Li Kan In 2023 yilda «Malorka»dan «PSJ»ga 22 million evro evaziga o'tgan edi. Uning shartnomasi 2028 yilning 30 iyuniga qadar mo'ljallangan. 2025/26 yilgi mavsumda yarim himoyachi Parij klubi safida barcha musobaqalarda 39 ta o'yinda maydonga tushib, 4 ta gol urdi va 5 ta golli uzatmani amalga oshirdi.