Kataloniyaning "Barselona" klubi bosh murabbiyi Xavi Ernandes Chempionlar ligasi chorak finalida "PSJ" bilan birinchi o'yinda hujumkor tarkibni chiqarmoqchi.

Eslatib o'tamiz, o'yin chorshanba kuni Parijda bo'lib o'tadi. Jurnalist Jordi Gilning xabar berishicha, yarim himoyachi Ilkay Gyundoganga erkinroq rol beriladi va hujumga yaqinroq joylashadi. Qanot hujumchisi Rafinya Dias hujumning chap qanotida harakat qilishi kutilmoqda.

Yarim himoyachi Pedri "PSJ" bilan birinchi o'yinda “Barselona”ga yordam bera olmaydi. Frenki de Yong va Andreas Kristensenga kelsak, ular zaxiradan maydonga tushishi mumkin.