"Barselona" himoyachisi Ronald Arauxo Ilkay Gyundogan bilan munosabatlari haqida gapirdi.

Xabaringiz bor, Gyundogan Chempionlar ligasidan chiqib ketgach, "PSJ"ga qarshi javob o'yinida qizil kartochka olgan Arauxonni omma oldida qoralagandi.

"Gyundogon bilan hamma narsa oydinlashdi. Men u bilan gaplashdim va u kechirim so'radi. Hammasi yaxshi. Bu hafta biz uchun qayg'uli bo'ldi, lekin men ruhiy jihatdan kuchliman. Men qattiq mehnat qilaman, shuning uchun ham bu klubga kirganman. Hamma biladiki, meni fidoyiligim uchun ayblash mumkin emas", - dedi Arauxo BarcaBlaugranes bilan suhbatda.

Eslatib o'tamiz, yakshanba kuni "Barselona" safarda "Real"ga 2:3 hisobida imkoniyatni boy berdi.