Kataloniyaning "Barselona" klubi yarim himoyachisi Frenki de Yongning jarohati haqida rasmiy ma'lumot berdi.

Niderlandiyalik futbolchi yakshanba kungi "Real"ga qarshi "el-klasiko"da safdan chiqqandi (2:3). Futbolchiga o'ng to'pig'i cho'zilish tashxisi qo'yilgan. Hozircha futbolchining tiklanish muddati noma'lum. E'tibor bering, de Yong joriy mavsumda bir necha marta to'pig'ini jarohatlagan.

Avvalroq manba "Barsa" yarim himoyachini mavsum oxirigacha yo'qotgani haqida xabar bergan edi.