"Gremio" bosh murabbiyi Renato Gausho jamoa hujumchisi Luis Suares klubda qolishi va hech bo'lmaganda dekabrgacha "Inter Mayami"ga o'tmasligi haqidagi ma'lumotni tasdiqladi.

"Tez orada tarkibimiz kuchayadi, rahbariyat bilan fikr almashdik. Biz Suaresni ham shu yil oxirigacha saqlab qolishga muvaffaq bo'ldik. Bu doston ikkinchi avgustgacha davom etishi mumkin edi, ammo hozir hammasi hal bo'ldi.

U dekabrgacha biz bilan qoladi va klubga katta yordam beradi", - dedi Gausho ESPN bilan suhbatda.

Avvalroq Suares "Barselona"dagi sobiq hamkorlari Lionel Messi, Serxio Buskets va Jordi Alba bilan birlashish uchun "Inter Mayami"ga o'tmoqchi ekanligi ma'lum bo'lgandi.