Ispaniyalik futbolchi Dani Olmo "Barselona"ning yaqinlashib kelayotgan transfer oynasidagi maqsadlaridan biri sanaladi. Uning xaridi kataloniyaliklar boshqaruvida qolishga qaror qilgan Xavining shartlaridan biri edi.

"Barselona" xaridni bo'lib-bo'lib yakunlamoqchi edi. Biroq, "Leyptsig" rahbariyatining fikricha, 60 million tovon puli hozirgi narxlarni hisobga olgan holda ancha foydali.

Olmoga Evropaning boshqa klublari, jumladan, "Manchester Siti" va "PSJ" klublari qiziqish bildirmoqda.

Ispaniyalik futbolchi joriy mavsum Bundesligada 19 ta o'yinda maydonga tushib, 4 ta gol urdi va 5 ta golli uzatmani amalga oshirdi.