"Barselona" bosh murabbiyi Xans-Diter Flik yarim himoyachi Mark Kasadoni yana asosiy tarkibda maydonga tushirmoqchi.

21 yoshli futbolchi o'z o'rnini Frenki de Yongga bo'shatib berdi: ispaniyalik futbolchi so'nggi besh o'yinning faqat bittasida ilk daqiqalardan maydonga tushdi. Jurnalist Xavi Migelning xabar berishicha, La Liganing navbatdagi turida "Las-Palmas"ga qarshi kechadigan uchrashuvda yosh yarim himoyachi yana asosiy tarkibda maydonga tushadi, de Yongga esa dam beriladi.

"Barselona"ning safarda "Las-Palmas"ga qarshi jangi shanba kuni tunda bo'lib o'tadi.