"Barselona" Xavining kelajagi haqida o'ylamoqda.

Mundo Deportivo nashri xabariga ko'ra, juma kuni klub rahbarlarining yig'ilishi bo'lib o'tgan va unda prezident Joan Laporta, prezident maslahatchisi Enrik Masip, vitse-prezident Rafa Yuste va direktor Joan Soler ishtirok etgan.

Ta'kidlanishicha, jamoaning hozirgi holati, shuningdek, shartnomasi 2025 yilgacha mo'ljallangan Xavining kelajagi masalasi ko'tarilgan.

Qayd etilishicha, payshanbadan beri shaxsiy masalalar bo'yicha Portugaliyada bo'lgan sport direktori Deku uchrashuvda ishtirok etmagan. Ularning barchasi yakshanba kuni "Monjuik" stadionida "Barselona"ning "Rayo Valekano" bilan o'yinini tomosha qilish uchun yana uchrashadi.