Yozua Kimmix "Barselona"ga o'tishni rad etdi.

Diario Sport xabariga ko'ra, Kataloniya klubi 29 yoshli yarim himoyachiga taklif jo'natgan, biroq hamkorlikning moliyaviy tomonidagi qarashlardagi farq tufayli muzokaralar to'xtagan.

"Bavariya"da Kimmix soliqlardan oldin taxminan 19,5 million evro oladi - "Barselona" futbolchiga bunday summani to'lashga qurbi etmaydi. Qayd etilishicha, Xavi ham, Xans-Diter Flik ham Yozuani jamoada ko'rishni xohlagan.

O'tgan mavsumda yarim himoyachi Bundesligada 28 ta o'yin o'tkazib, 1 ta gol va 6 ta golli uzatmaga mualliflik qilgan.