Frantsiyaning "PSJ" klubi o'tgan mavsumda "Leyptsig"da ijara asosida o'ynagan yarim himoyachi Xavi Simons bilan nima qilishini hali hal qilmagan.

Jurnalist Fabritsio Romanoning xabariga ko'ra, parijliklar niderlandiyalik futbolchini keyingi mavsumda ham tarkibda saqlab qolishi mumkin. Biroq, katta ehtimol bilan, Simons boshqa ijaraga ketadi.

Eslatib o'tamiz, avvalroq Xavi bolaligida yoshlar darajasida o'ynagan "Barselona" jamoasiga qaytishni afzal ko'rayotgani xabar qilingandi.

Qayd etilishicha, "ko'k-anorranglilar" niderlandiyalik futbolchini ijaraga olishga tayyor, ammo "PSJ" futbolchini boshqa jamoaga berishni afzal ko'rayotgani aytiladi. So'nggi Bundesligada 21 yoshli Simons 8 ta gol va 11 ta golli uzatmani amalga oshirdi.