"Leyptsig" yarim himoyachisi Dani Olmoga beshta top-klub qiziqish bildirmoqda.

Mundo Deportivo nashri xabariga ko'ra, Ispaniya terma jamoasi yarim himoyachisi "Barselona", "Manchester Yunayted", "Manchester Siti", "Liverpul" va "Bavariya"ning nishonida.

E'tiborli tomoni, Olmoning shartnomasida yozgi transfer oynasida amal qiladigan ozod qilish bandi bor. Avvalroq yarim himoyachining sotib olish summasi 60 million evro atrofida ekanligi xabar qilingandi. Oxirgi Bundesligada Olmo 4 ta gol urdi va 5 ta golli uzatmani amalga oshirdi. Ayni paytda 26 yoshli Dani Ispaniya terma jamoasi safida Evropa chempionatida ishtirok etishga tayyorlanmoqda.