Kataloniyaning "Barselona" klubi bir yil avval erkin agent sifatida jamoaga qo'shilgan markaziy himoyachi Inigo Martines bilan yozda xayrlashishi mumkin. Sport nashri xabariga ko'ra, ispaniyalik futbolchi "ko'k-anorranglilar" sobiq ustozi Xavi Ernandes tashabbusi bilan taklif qilingan.

Manbaning xabar berishicha, "Barselona"ning yangi bosh murabbiyi Xans-Diter Flik Martines xizmatlaridan bosh tortishi mumkin. Klub rahbariyati ham Inigoni muhim futbolchi deb hisoblamaydi. Faxriy himoyachi o'tgan mavsumda barqaror maydonga tushmadi.

Avvalroq 33 yoshli Martinesga Madridning "Atletiko" klubi qiziqish bildirayotgani haqida xabar berilgandi.