Kataloniyaning "Barselona" klubi prezidenti Joan Laporta Ispaniya terma jamoasining Evro-2024dagi eng yorqin o'yinchilaridan biri bo'lgan "Atletik" hujumchisi Niko Uilyamsning transferini tashkil qilish uchun hamma narsani qiladi.

Jurnalist Ashraf bin Ayadning ma'lumotlariga ko'ra, "Barselona" 58 million evro tovon puli evaziga bozorda mavjud bo'lgan Uilyamsning transferi uchun jiddiy kurashmoqchi.

Uilyams kecha Evropa chempionatining ⅛ finalida Gruziya terma jamoasiga qarshi o'yinda gol urdi va golli uzatmani amalga oshirdi. Hujumchi xizmatlariga Angliyaning Londonning “Arsenal” va “Chelsi” klublari qiziqish bildirmoqda.