Kataloniyaning "Barselona" klubi ushbu transfer oynasida qaysi markaziy himoyachini sotishni xohlashini hal qildi.

Mundo Deportivo nashri xabariga ko'ra, "ko'k-anorranglilar" rahbariyati Erik Garsiya va Inigo Martinesni tanlashgan. Manbaga ko'ra, Garsiya yoshroq bo'lgani uchun "Barselona" Martinesdan qutulishga qaror qilgan. Erik ham ko'p qirrali futbolchi va Inigoga qaraganda kamroq maosh oladi.

Eslatib o'tamiz, Garsiya o'tgan mavsumni “Jirona” safida ijara asosida o'tkazgan va jamoaga Ispaniya chempionatida uchinchi o'rinni egallashga yordam bergandi. Erik "oq-qizillar"ning asosiy o'yinchilaridan biri edi.