"Atletik" vingeri Niko Uilyams "Barselona"ga o'tishga yana bir qadam yaqinlashdi.

Jurnalist Jota Jordining xabar berishicha, Kataloniya klubi 22 yoshli ispaniyalik futbolchi bilan bo'lajak mehnat shartnomasining barcha shartlarini kelishib olgan.

Avvalroq Niko Uilyamsning "Barselona"ga o'tishiga shubha borligi xabar qilingandi.

O'tgan mavsumda futbolchi barcha turnirlarni hisobga olgan holda 37 ta o'yinda maydonga tushib, 8 ta gol urdi va 19 ta golli uzatmani amalga oshirdi.