"Leyptsig" yarim himoyachisi Dani Olmo kelasi payshanba, 8 avgust kuni "Barselona"ga o'tish uchun tibbiy ko'rikdan o'tadi. Bu haqda Sport.es xabar bermoqda.

Manba bergan xabarga ko'ra, ispaniyalik futbolchi tibbiy ko'rikdan o'tganining ertasigayoq bo'lajak jamoadaoshlari bilan mashg'ulotlarda ishtirok etishi mumkin. Ta'kidlanishicha, Olmoning "Barselona" futbolchisi sifatida rasmiy taqdimoti juma (9 avgust) yoki shanba (10 avgust) kuni bo'lib o'tishi mumkin.

O'tgan mavsumda yarim himoyachi klub va terma jamoa safida barcha turnirlarda 32 ta o'yinda qatnashib, 13 ta gol va 7 ta golli uzatmaga mualliflik qilgan. Futbolchining "Leyptsig" bilan amaldagi mehnat shartnomasi 2027 yilning yoziga qadar amal qiladi.