"Milan"ning sobiq hujumchisi va sport va tijorat masalalari bo'yicha maslahatchisi Zlatan Ibrahimovich murabbiylik faoliyatini boshlash istagi haqidagi savolga javob berdi.

— Murabbiy bo'lishni hohlaysizmi?

- Yo'q.

- Nimaga yo'q?

- Oqargan sochlarimni ko'ryapsizmi? To'liq kulrang sochlar murabbiy sifatida ishlagandan bir hafta o'tgach paydo bo'ladi. Murabbiyning ish vaqti kuniga 12 soatgacha. Mutlaqo bo'sh vaqt bo'lmaydi. Mening rolim hamma narsani birlashtirish; yuqoridan etakchi bo'lish va tuzilma va tashkilot ishlayotganiga ishonch hosil qilish. Tonusni ushlab turish", - dedi Ibrahimovich The Athletic bilan suhbatda.

"Milan", "Yuventus", "Inter", "PSJ", "Barselona" va "Manchester Yunayted" klublarining 42 yoshli sobiq hujumchisi Zlatan Ibrahimovich 2023 yilning iyunida faol futbolchi sifatida faoliyatini yakunladi. 2023 yilning dekabrida Ibrahimovich "Milan"ga egalik qiluvchi Amerikaning Redbird investitsiya kompaniyasiga katta maslahatchi etib tayinlangan edi. Zlatanning "rossonerilar" boshqaruv tuzilmasidagi vazifalari - o'yinchilarni va ularni tayyorlash usullarini ishlab chiqish, "Milan" brendi va uning tijoriy manfaatlarini ilgari surish.