"Barselona" hali ham "Milan" hujumchisi Rafael Leauni sotib olishga harakat qilmoqda.

Kataloniyaliklar transfer oynasi yopilguniga qadar katta kelishuvga erishmoqchi. Niko Uilyams bilan muvaffaqiyatsiz muzokaralardan so'ng, "Barselona" asosiy e'tiborini Leauni sotib olishga qaratmoqda.

Ispaniya klubi allaqachon taklif tayyorlamoqda, ta'kidlanishicha, "Milan" Leau uchun kelishuvga qo'shilishi mumkin bo'lgan "Barselona"ning bir nechta o'yinchilariga qiziqish bildirmoqda. Rafinya, Kristensen, Torres yoki Balde Italiya klubiga o'tishi mumkin.

Agar "Barselona" Leauni qo'lga kirita olmasa, kataloniyaliklar "Bavariya" yarim himoyachisi Kingsli Koman yoki "Yuventus" vingeri Federiko Kezaga variantini o'rganib chiqadi.