«Barselona»da o'ng qanot himoyachisi vazifasini odatda Jyul Kunde bajaradi. Hozirda jarohat olgan 18 yoshli Ektor Fortni hisobga olmaganda, jamoada frantsuzning o'rnini bosadigan hech kim yo'q.

Jurnalist Ferran Korreasning so'zlariga ko'ra, agar Kundega dam olish kerak bo'lsa, himoyaning o'ng tomonini nominal tayanch yarim himoyachi Mark Kasado egallaydi. Murabbiylar shtabi 21 yoshli ispaniyalikni «yangi Serxi Roberto» ya'ni maydon o'rtasida va qanotda o'ynashga qodir bo'lgan universal futbolchi sifatida ko'radi.

Joriy mavsumda Mark Kasado «ko'k-anorranglilar» safida 15 ta o'yin o'tkazib, beshta golli uzatma muallifiga aylandi.