«Barselona» yarim himoyachisi Pedri klub bilan yangi shartnoma bo'yicha muzokaralar qanday ketayotganini aytdi.

21 yoshli futbolchining amaldagi shartnomasi 2026 yil o'rtalarida tugaydi. «Barselona» ispaniyalik bilan yangi uzoq muddatli shartnoma tuzish niyatida ekanligini bir necha bor e'lon qilgan.

«Shartnomamni uzaytirish? Men bu borada xotirjamman, hammasi joyida», - deya javob berdi xavbek Ispaniya terma jamoasining dushanba kuni Shveytsariyaga qarshi o'yini oldidan o'tkazilgan matbuot anjumanida.