Mundo Deportivo xabariga ko'ra, agar "Barselona" uni ro'yxatdan o'tkaza olmasa, yarim himoyachi bepul ketishi mumkin. Bu haqdagi band Olmoning shartnomasiga avgust oyida kiritilgan, o'shanda Dani faqat mavsumning birinchi yarmida ro'yxatdan o'tishga rozi bo'lgandi. U 2030 yilda tugaydigan bitimning butun muddati davomida amal qiladi.

Qayd etilishicha, ayni damda Olmo "Barselona"ni tark etish niyatida emas. Ispaniyalik futbolchi xotirjamlikni saqlaydi va ro'yxatdan o'tish masalalarida klubga ishonadi.

Olmoning La Liga uchun amaldagi ro'yxatdan o'tish muddati 31 dekabrda tugaydi. Xabar qilinishicha, kataloniyaliklar yarim himoyachini ro'yxatdan o'tkazish imkonini beradigan, taxminan 200 million evroga teng summani topishga hozirlik ko'rmoqda.