Londonning "Chelsi" klubi "Barselona" yarim himoyachisi Gavi transferi uchun kurashmoqchi emas. Jurnalist Ben Jeykobsning so'zlariga ko'ra, "ko'klar"da yaqinlashib kelayotgan transfer oynasi uchun boshqa ustuvor vazifalari bor.

Avvalroq Gavi "Chelsi" rahbariyati bilan ijobiy muzokaralar olib borgani haqida mish-mishlar tarqalgan edi. Futbolchi hali La Ligada ro'yxatdan o'tmagani uchun uning "Barselona"dagi kelajagi xavf ostida. Biroq manba Gavi hozirgi klubida qolishni xohlayotganini aytmoqda.

Avvalroq "Chelsi" yozgi transfer oynasida bir qator xaridlarni amalga oshirish niyatida ekanligi haqida xabarlar tarqalgandi. Gap "Brayton" futbolchisi Moyses Kaysedo va "Vest Xem" a'zosi Deklan Rays haqida ketmoqda.