"Borussiya" yarim himoyachisi Jovanni Reyna Chempionlar ligasi umumiy bosqichi 6-turi doirasidagi "Barselona"dan uchralgan mag'lubiyat (2:3) haqida fikr bildirdi.

"Chempionlar ligasi o'yinida o'z uyida mag'lub bo'lish aqldan ozishdir. Biz yaxshi o'ynadik, lekin juda, juda yaxshi jamoaga yutqazdik. Ba'zida futbol to'liq adolatli bo'lmaydi: durang natijaga loyiq bo'lardi. Endi biz ushbu o'yindan eng yaxshi jihatlarni chiqarib, "Bolonya" va "Shaxtyor"ga qarshi so'nggi ikki o'yinda g'alaba qozonishimiz kerak", - deya Reynaning so'zlaridan iqtibos keltiradi UEFA matbuot xizmati.

“Barselona” 15 ochko jamg'arib, turnir jadvalida 2-o'ringa ko'tarilib oldi. "Borussiya" 12 ochko bilan 9-o'rinda qoldi.