«Barselona» vingeri Lamin Yamal nihoyat Kataloniya klubidagi kelajagi haqida bir qarorga keldi.

«Diario Sport» xabariga ko'ra, 17 yoshli futbolchi «blaugrana»ga sodiq. Yamal uchun «Barselona» uning hayotining klubi, shuning uchun u ispan giganti bilan mehnat shartnomasini albatta uzaytiradi.

Eslatib o'tamiz, Yamal «Barselona» tarbiyalanuvchisi hisoblanadi. Joriy mavsumda u barcha turnirlarda 21 ta o'yin o'tkazib, 6 ta gol urdi va 12 ta golli uzatmani amalga oshirdi.