Joan Laporta Negreyra ishi bo'yicha guvoh sifatida ko'rsatma berdi. «Barselona» prezidenti bir soatcha davomida savollarga javob berdi. Bugun tongda boshqa guvohlar — Luis Enrike va Ernesto Valverde ko'rsatma bergan edi. Jozep Bartomeu, Sandro Rosell, Oskar Grau va Enrikes Negreyraning o'g'li ham tergov doirasida ko'rsatma berib bo'lishgan.Mundo Deportivo manbasiga tayanib xabar berishicha, Laporta har ikki tomonning barcha savollariga javob berdi va «Barselona» butun jarayon davomida ilgari surib kelgan fikrlarga asoslangan «ishonarli dalillar» bilan klub pozitsiyasini tushuntirdi. Ko'rsatmalar katalon tilida berilgan. Joanning ta'kidlashicha, «Barselona» faqat texnik hisobotlar uchun haq to'lagan.Mundo Deportivo’ning Què T’hi Jugues dasturiga tayanib yozishicha, Laporta Negreyra va uning o'g'lini hech qachon ko'rmagani va uchrashmaganini aytgan. «Barsa» prezidenti hisobotlar mavjudligi haqida 2003 yili bilganini va ularni foydali deb baholaganini bildirgan.Laportaga ko'ra, juda «batafsil» deb ta'riflangan bu hisobotlar sobiq hakamning o'g'li tomonidan tayyorlangani haqida aytilgan, ammo uning hakamlar texnik qo'mitasi (CTA) vitse-prezidenti ekani aniqlashtirilmagan.Laporta tushuntirishicha, hisobotlar tasodifan shkafdagi qutidan topilgan. Ularda 2014–2018 yillar davri aks etgan, ammo avvalgi mavsumlarga oid hujjatlar yo'q — chunki klub hujjatlari har besh yilda yo'q qilinishi aytiladi.Prezident ta'kidladiki, «Barselona» hech qachon musobaqalardagi natijalarga ta'sir ko'rsatishni niyat qilmagan.Eslatib o'tamiz, 2023 yilda «Barselona» va uning rahbariyati sobiq hakamlar texnik qo'mitasi (CTA) vitse-prezidenti, Ispaniya Futbol federatsiyasi (RFEF) xodimi Xose Mariya Enrikes Negreyraga berilgan to'lovlar orqali pora olishda ayblangan edi. Sud Negreyraga 2001–2018 yillar oralig'ida «Barselona» tomonidan to'langan 7,7 million evro miqdoridagi to'lovlarni jinoyat deb topgan.