"Barselona" hujumchisi Rafinya jamoaning so'nggi o'yinlardagi pasayishi haqida gapirdi.

"Biz o'zimizni ayblashimiz kerak. Yaxshi o'ynamayapmiz. Bizning darajamiz pasayib ketdi. Ehtimol, ba'zi daqiqalarda bizda biron bir joyda kontsentratsiya etishmadi va bu bizga qimmatga tushdi.

Charchoq ham ta'sir qiladi. Ayrim o'yinlarda charchamadik desam, yolg'on gapirgan bo'laman. Bu asosiy omil, ammo bizning darajamiz ham pastlab ketdi", - deydi Rafinya.

"Barselona" hozirda La Ligada birinchi o'rinda bormoqda. Jamoa 18 tur davomida 38 ochko jamg'argan.