Dani Olmoning agenti yarim himoyachining "Barselona"ni tark etishi mumkinligini inkor qildi.

Eslatib o'tamiz, "Barselona" Olmoni mavsumning ikkinchi yarmi uchun hamon La Liga qaydnomasiga kiritmadi - sud ikki marta uni kataloniyaliklar tarkibiga kiritishni rad etdi. 1 yanvardan ispaniyalik futbolchini ro'yxatdan o'tkaza olmasa, erkin agent sifatida klubni tark etishi mumkin bo'ladi.

Olmoga "Manchester Siti", "Manchester Yunayted" va "Arsenal" klublari qiziqayotgani xabar qilingan.

Aytishim mumkinki, Dani "Barselona"da qolishga qaror qildi. Biz boshqa variantlar yoki klublarni ko'rib chiqmayapmiz.

Dani Olmo "Barsa"da o'ynashni xohlaydi, uning istagi aniq", - deydi Endi Bara.