"Barselona" ustozi Xans-Diter Flik jamoaning g'alabalarga bo'lgan munosabatini yoqtirishini tan oldi.

"Yakunda menga yoqadigan va meni xursand qiladigan narsa bu - g'alabalardan keyingi bayram, ayniqsa "Real" va "Bavariya"ga qarshi o'yinlar. Menga futbolchilar, klub va muxlislar g'alabani qanday nishonlagani yoqdi", - dedi Flik Barca Universal bilan suhbatda.

19-tur natijalariga ko'ra, "Barselona" 38 ochko bilan Ispaniya chempionatida uchinchi o'rinda bormoqda. Peshqadam “Real”dan farq besh ochkoga etdi. La Liganing navbatdagi turida kataloniyaliklar safarda “Xetafe”ga qarshi bahs olib borishadi, uchrashuv 18 yanvar kuni bo'lib o'tadi.