Xavi Mark-Andre ter Shtegenni dunyoning eng yaxshi darvozaboni deb atadi.

30 yoshli darvozabon joriy mavsumda La Ligada 30 ta o'yinda maydonga tushdi va 9 ta gol o'tkazib yubordi. 24 ta o'yinda o'z darvozasi daxlsizligini saqlab qoldi.

"Men Ter Shtegenni bilaman, chunki u bilan birga o'ynaganman. U juda metodik inson.

U hozir dunyoning eng yaxshi darvozaboni. Ter Shtegen o'yin uslubimiz tufayli jamoaga yanada ko'proq yordam bermoqda", - dedi "Barselona" bosh murabbiyi Xavi.

Nemis darvozaboni Kataloniya klubida 2015/16 yilgi mavsumdan beri o'ynab kelmoqda.