"Barselona" Ruben Amorimning murabbiy etib tayinlanishi tufayli "Manchester Yunayted"dagi mavqeiga jiddiy putur etgan hujumchi Markus Reshford bilan shartnoma imzolashga umid qilmoqda. Angliyalik futbolchiga joy bo'shatish uchun "ko'k-anorranglilar" Ansu Fati bilan xayrlashishi kerak.

Transfer News Live nashri xabar berishicha, Fati Angliyaga ketishi mumkin. Londonning "Tottenxem" va "Vest Xem" klublari 22 yoshli futbolchi bilan shartnoma imzolamoqchi.

Transfermarkt portali Ansu Fati 10 million evroga baholamoqda. Futbolchining "Barselona" bilan amaldagi shartnomasi 2027 yilning o'rtalariga qadar tuzilgan.