Jurnalist Xaver Bosh "Barselona" rahbariyatini hozirda Portugaliya terma jamoasini boshqarayotgan Roberto Martines nomzodiga e'tibor qaratishga chaqirdi.

Eslatib o'tamiz, “ko'k-anorranglilar” hozirda mavsum yakunida jamoani tark etadigan Xavi o'rniga yangi murabbiy qidirmoqda.

"Nega "Barselona" Roberto Martinesni o'ylamayapti, tushunmayapman. U kataloniyalik, Angliya Premer-ligasida, Belgiya terma jamoasida ishlagan va hozirda Portugaliya terma jamoasida yaxshi ishlamoqda. Roberto hujumkor futbol o'ynaydi. O'ylaymanki, agar Yordi Kroyff hozir ham "Barselona"da bo'lganida, Martines murabbiylikka nomzodlardan biri bo'lardi", - deb yozadi Bosh ijtimoiy tarmoqlarda.