"Barselona" bosh murabbiyi Xans-Diter Flik jamoa hujumchisi Pau Viktor Robert Levandovskining to'liq o'rnini bosa olishiga ishonmayapti. Bu haqda Mundo Deportivo xabar bermoqda.

Shu bilan birga, manbaning ta'kidlashicha, "Barselona" shartnomasi 2029 yilgacha mo'ljallangan 23 yoshli Viktorni sotishni rejalashtirmayapti. Joriy mavsumda 36 yoshli Levandovski barcha turnirlarda 29 ta o'yinda maydonga tushib, 28 ta gol urdi va 3 ta golli uzatmani amalga oshirdi.

Viktor o'ynagan 18 o'yinda atigi 2 gol va 1 golli uzatmaga ega. 20 turdan keyin "Barselona" 39 ochko bilan Ispaniya chempionati turnir jadvalida uchinchi o'rinda bormoqda.