«Barselona» skauti Andrea Manchini jamoaning bosh yulduzi – 17 yoshli vinger Lamin Yamal haqida yuqori fikr bildirib, uning potentsialini ta'kidladi."Hozir men yangi Lamin Yamallarni izlayapman. Klubning vazifasi – har yili «La Masiya»dan kamida to'rt-besh nafar yosh futbolchini birinchi jamoaga jalb qilish. Bu vazifa har yili bajarilmoqda. Yamalni ko'ring: uning bu erda ekanini aytish oson, ammo u allaqachon uch yildan beri jamoada. U hatto Messidan ham kuchliroq bo'ladi", — dedi Manchini.  Joriy mavsumda Lamin Yamal «Barselona» safida 31 ta o'yin o'tkazib, 11 ta gol urdi va 15 ta golli uzatma amalga oshirdi. Transfermarkt.de sayti uning transfer bahosini 180 million evro deb belgilagan.